Français
English

Lo Site Oficial
del Carnaval de Leuc
vos desira la benvenguda.

 

Mercè plan a Mirelha Braç de l' Ostal Sirventes per la revirada-adaptacion en Occitan.
Fasetz connaisse aquel site a vos amics, mandatz les una carta virtuala.
La fèsta es estada bèla, lèu lo rendut-compte, anatz véser sulpic l'annada 2003.


un disciple de Footrix

    Jos la ferula del comitat de Carnaval e del Gui Albèrt, carnavalista patentat, e occitanista fins a sas fibras mai pichonas, lo cercle cultural de Leuc, pichon vilatge d¹Aude, pròche Carcassona, organiza cada annada, un carnaval, a la debuta del mes de mai, concurréncia obliga. De fait, impregnat de la tradicion limosina, cada vilatge a l¹entorn de la ciutat de la blanqueta de Limós, a fait seuna la tradicion del carnaval.

   La musica ritmada del grop celèbre "Tonton a Faim", que faguèt dansar los molinièrs a l¹entorn de la plaça de la Republica es de rigor, los confètis vòlan, las carabenas viran e los braces se lèvan per implorar Carnaval. La blanqueta e lo muscat rajan tanben, per desalterar las gargamèlas e refrescair las fecas que susan jols desguisaments.

   Una de las particularitats de nòstre carnaval es quel vira a l¹entorn d'un tèma, anonciat pro d¹ora, dins la premsa locala. D¹en primièr, d¹un biais un pauc misteriós, mas que, d¹un article l¹autre, vira lèu a la farcejada, çò qu¹ajuda a la preparacion d¹unes desguisaments de circonstància. Los tèmas son totjorn causits demest los faits importants de la vida locala, la causida del nom del rei d¹un jorn se fa menimosament. Cada annada, òm se demanda se se poirà capitar la fèsta tant plan coma l¹an d¹avant, e cada annada, la culhida de faits divèrses es bona, emai duscas als jorns que precedisson la data fatidica, e pel jutjament cal seleccionar.

médieval   La fèsta comença totjorn per un repais tradicionalament compausat de la Fricassèa de Limós preparada pel Mèstre Fricassaire Gaby Chauvet , diplomat en 1999 pel comitat del carnaval per 15 ans de bons e leials servicis. Los dessèrts e formatges son totjorn fòrça discutits al dintre del comitat, benlèu mai que la causida annuala del tèma del Carnaval. L'organizacion de las taulas dins lo fogal per acuilhir los festejaires es tanben un tèma de reflexion renovelat cada annada.

   A 9 oras del vèspre, tot lo monde s'escapa per s¹anar mascar e cap a 10 oras, lo torn de fecas pòt començar dins las carrièras del vilatge vièlh, per la fotò de grope. Sièis arrèsts estanquets mai luènh, òm se torna trapar al fogal, es mièjanuèit.

    Lo jutjament tant esperat arriba, mitat en occitan, mitat en francés, la vida locala es passada en revista, sul mòde de la farcejada e de la derision.

    Puèi, sus la plaça, al son de "Adieu paure Carnaval", se fa la cremacion, moment que los enfants encora aquí, malgrat l¹ora tardièra, aiman mai.

Photo de groupe Au sud de la France

Lo dimenge 24 de febrièr de 2002, lo Carnaval de Leuc es passat a la telé : FR3 Sud dins l'emission "Viure al País" nos faguèt l'onor de faire un subjèct suls preparatius. Una presentacion generala pel Gui Albèrt, una dissertacion sul ròtle de la musica dins la fèsta pel Mans de Breish de Tonton a faim, una recèpta de la fricassèa pel Gaby Chauvet, un reportatge sus un acamp de preparacion amb los membres del comitat e una introduccion al site internèt per Yvon Coumes, traparetz tot aquò dins las sequéncias vidèo çai-jos :
- version leugièra pels modems 56K [Real vidéo 1,58 Mo]
- version de qualitat melhora pels accès rapids [Real vidéo 7,78 Mo]

Comitat del Carnaval de Leuc
Cercle cultural
11250 Leuc
Contact : carnavaldeleuc@fr.st
Rantelaire : Yvon Coumes
Anti spam: supprimer le "_" à la fin de l'adresse avant l'envoi

Visitatz nòstre site e daissatz-nos vòstras impressions sul Libre d'Aur